ذوالفقار بھٹو کا عدالتی قتل عالمی سازش تھی رضاربانی

بے نظیر زندہ ہوتیں تو ملک کی داخلہ اور خارجہ صورتحال تبدیل ہوتی، چئیرمین سینیٹ۔ فوٹو:فائل

---

پیپلزپارٹی کے رہنما رضاربانی کا کہناہے کہ ذوالفقار علی بھٹو کا عدالتی قتل کرایا گیا جو ایک عالمی سازش تھی۔

لاڑکانہ میں میڈیا سے بات کرتے ہوئے چئیرمین سینیٹ رضا ربانی کا کہنا تھا کہ دشمن پاکستان کو مضبوط اور جمہوری نہیں دیکھنا چاہتے تھے اسی لئے ذوالفقار علی بھٹو کا عدالتی قتل کرایا گیا جو ایک عالمی سازش تھی، بے نظیربھٹو کو بھی راولپنڈی کی گلیوں میں قتل کیا گیا اگر آج بے نظیر زندہ ہوتیں تو پاکستان کی داخلہ اور خارجہ صورتحال تبدیل ہوتی۔

رضاربانی کا کہنا تھا کہ سینیٹ اور پارلیمنٹ مضبوط ادارے نہیں، ہاں اگر آئین کے مطابق ادارے کام کریں تو دونوں ادارے مضبوط ہوں گے۔