پاک اور ترک فضائیہ کی مشترکہ مشقیں اختتام پزیر ہو گئیں

پاک فضائیہ اورترک فضائیہ کی مشترکہ عالمی فضائی مشقیں انڈس وائپر ٹو مکمل ہو گئیں۔


پاک فضائیہ کے مطابق فضائی مشقیں پاک فضائیہ کے آپریشنل بیس پر 4 سے 16 مارچ تک جاری رہیں۔ مشقوں میں ترک فضائیہ کے 5 ایف سولہ طیاروں، پائلٹس اور تکنیکی عملے نے حصہ لیا، مشقوں کا بنیادی مقصد فضائی جنگی صلاحیت اور ممکنہ خطرات سے نمٹنے کے لیے فضائی قوت کے استعمال کو بہتر بنانا تھا۔

ترک فضائیہ کے چیف آف آپریشنز میجر جنرل آیرس مہمت مشقوں کے مکمل ہونے پر منعقد ہونے والی تقریب میں مہمان خصوصی کی حیثیت سےشریک ہوئے جبکہ ترک سفیر محمد بابر حزلان اورپاک فضائیہ ڈپٹی چیف آف ائیر اسٹاف آپریشنز ائیر مارشل وسیم الدین نے بھی تقریب میں شرکت کی۔