سائٹ ایریا میں نامعلوم افراد کی فائرنگ سے 2 پولیس اہلکار جاں بحق

دونوں پولیس اہلکار ایس آر پی میں تعینات تھے جن کی شناخت راجا خان اور شعیب خان کے نام سے ہوئی۔ فوٹو: ایکسپریس

---

سائٹ کے علاقے ہارون آباد میں نامعلوم افراد کی فائرنگ سے 2 پولیس اہلکارجاں بحق ہو گئے۔

ایکسپریس نیوز کے نمائندے کے مطابق دو موٹر سائیکلوں پر سوار 4 نامعلوم ملزمان نے سیکیورٹی پر مامور پولیس موبائل پر فائرنگ کر دی جس کے نتیجے میں 2 پولیس اہلکار موقع پر ہی جاں بحق ہو گئے، دونوں پولیس اہلکار ایس آر پی میں تعینات تھے جن کی شناخت راجا خان اور شعیب خان کے نام سے ہوئی۔

واقعے کے بعد پولیس کی بھاری نفری نے ہارون آباد میں سرچ آپریشن شروع کردیا اور ملزمان کی تلاش کی جا رہی ہے۔