کسی بھارتی فوجی نے ایل او سی کو عبور نہیں کیا ڈی جی آئی ایس پی آر

بھارتی میڈیا کا دعویٰ شکست کے بعد اپنی عوام کو مطمئن کرنے کا تسلسل ہے، ترجمان پاک فوج فوٹو : فائل

---

KARACHI: ڈی جی آئی ایس پی آر میجر جنرل آصف غفور نے بھارت کی جانب سے سرحد عبور کرنے کے دعوے کو مسترد کرتے ہوئے کہا ہے کہ کسی بھارتی فوجی نے لائن آف کنٹرول کو عبور نہیں کیا۔

آئی ایس پی آر کے ڈائریکٹر جنرل میجر جنرل آصف غفور نے اپنے ٹوئٹ میں کہا ہے کہ کسی بھی بھارتی فوجی نے لائن آف کنٹرول کو عبور نہیں کیا جب کہ بھارتی میڈیا کا یہ دعویٰ کہ بھارتی فوجیوں نے ایل او سی کو عبور کیا' شکست کے بعد اپنے عوام کو مطمئن کرنے کا تسلسل ہے۔

No Indian soldier crossed over LOC. Indian media claim is continuation of their self defeating projections to satisfy domestic audience.

— DG ISPR (@OfficialDGISPR) December 26, 2017

واضح رہے کہ گزشتہ روز لائن آف کنٹرول پر بھارتی اشتعال انگیزی کے بعد سے بھارتی میڈیا کی جانب سے یہ پروپیگنڈا کیا جارہا ہے کہ بھارتی فورسز نے لائن آف کنٹرول کو عبور کرکے پاکستان میں کارروائی کی جس میں ایک پاکستانی فوجی زخمی اور 3 شہید ہوگئے تھے جس پر پاکستان نے آج قائم مقام بھارتی ڈپٹی ہائی کمشنر کو دفتر خارجہ طلب کرکے بھرپور احتجاج بھی کیا۔