تحریک انصاف نے پارٹی انتخابات کی تفصیلات الیکشن کمیشن میں جمع کروا دیں

پی ٹی آئی کی جانب سے اعظم سواتی نے تفصیلات الیکشن کمیشن میں جمع کروائیں، فوٹو: فائل

---

پاکستان تحریک انصاف نے انٹرا پارٹی انتخابات کی تفصیلات الیکشن کمیشن میں جمع کروا دیں۔

ایکسپریس نیوز کے مطابق چیف الیکشن کمشنر کی سربراہی میں پی ٹی آئی انٹرا پارٹی انتخابات میں مبینہ طور پر بے ضابطگیوں سے متعلق درخواست کی سماعت ہونا تھی تاہم ممبران کی غیر موجودگی کے باعث کیس کی سماعت 2 جنوری تک ملتوی کردی گئی۔

اس خبرکوبھی پڑھیں: الیکشن کمیشن اپنے دائرہ اختیار سے تجاوز کررہا ہے

دوسری جانب پی ٹی آئی کی جانب سے اعظم سواتی نے انٹرا پارٹی انتخابات کی تفصیلات الیکشن کمیشن میں جمع کروادی ہیں، جمع کرائی گئی تفصیلات میں امیدواروں کی تفصیلات، نتائج، پینل اور کاغذات نامزدگی شامل ہیں۔

واضح رہے کہ الیکشن کمیشن نے تحریک انصاف سے انٹرا پارٹی انتخابات کی مکمل تفصیلات طلب کی تھیں۔