ملتان میں ڈاکوؤں کی خاتون کے ساتھ اجتماعی زیادتی

ڈاکو گھر سے 30 ہزار روپے نقد اور ایک لاکھ روپے کا دیگر قیمتی سامان لے گئے، فوٹو: فائل

---

متیتل روڈ پر ڈاکوؤں نے گھر میں ڈکیتی کے دوران خاتون کوزیادتی کا نشانہ بناڈالا۔

ایکسپریس نیوز کے مطابق ملتان کے تھانہ سیتل ماڑی کی حدود میں متیتل روڈ پر 5 مسلح ڈاکو صبح سویرے ذوالفقار نامی شخص کے گھر میں گھس گئے۔ ڈاکوؤں نے پہلے ذوالفقار کو کمرے میں بند کرکے گھر سے نقدی اوردیگر قیمتی سامان اکٹھا کیا اور پھر اس کی 25 سالہ بیوی کو زیادتی کا نشانہ بنانے کے بعد فرار ہوگئے۔

اس خبرکوبھی پڑھیں: پسند کی شادی کرنے پر خاتون کے ساتھ اجتماعی زیادتی

پولیس نے واقعے کی اطلاع ملنے پر قانونی کارروائی شروع کردی ہے۔ زیادتی کا نشانہ بننے والی خاتون کو اسپتال منتقل کردیا گیا ہے جہاں اس کا طبی معائنہ کیا جارہا ہے۔ اس کے علاوہ ذوالفقار کی مدعیت میں مقدمہ بھی درج کرلیا گیا ہے۔

اس خبرکوبھی پڑھیں: چیف جسٹس کا کمسن ملازمہ کے ساتھ اجتماعی زیادتی کا نوٹس

پولیس حکام کا کہنا ہے کہ مدعی کے مطابق ڈاکو گھر سے 30 ہزار روپے نقد اور ایک لاکھ روپے کا دیگر قیمتی سامان لے گئے ہیں، واقعے کی مخلتف پہلوؤں سے تفتیش شروع کردی گئی ہے۔