’’ٹائیگر زندہ ہے‘‘ نے گول مال کا ڈبہ گول کردیا

150 کروڑ کے بجٹ سے بنائی گئی فلم ریلیز کے صرف سات دنوں میں اپنی لاگت پوری کرچکی ہے، فوٹوفائل

---

LANDI KOTAL: بالی ووڈ کے دبنگ اداکار سلمان خان اور کترینہ کیف کی فلم 'ٹائیگرزندہ ہے'نے 7 دنوں میں 200 کروڑ سے زائدکمالیے۔

بالی ووڈ کے سلطان سلمان خان اوراداکارہ کترینہ کیف کی فلم'ٹائیگرزندہ ہے'کی کامیابی کا سفر تیزی سے جاری ہے۔ فلم کو ریلیز ہوئے سات دن ہوگئے ہیں لیکن سینماؤں میں شائقین کی تعداد میں کمی نہیں آرہی ہےاور فلم تیزی سے کامیابی کی جانب بڑھ رہی ہے۔

اس خبرکوبھی پڑھیں: ''ٹائیگر زندہ ہے''نےکامیابی کے جھنڈے گاڑ دئیے

معروف بھارتی ویب سائٹ نے دعویٰ کیا ہے کہ 'باہوبلی2' کے بعد'ٹائیگر زندہ ہے' 2017 کی سب سے زیادہ تیزی سے 100 کروڑ کلب میں شامل ہونے والی فلم بن گئی ہے اور فلم نے ریلیز کے صرف سات دنوں میں 200 کروڑ سے زائد کی رقم کمالی ہے۔ جب کہ بھارتی تجزیہ نگار ترن آدرش نے ٹوئٹ کی ہے کہ فلم نے سات دنوں میں 206 کروڑ 4 لاکھ کماکراجے دیوگن کی'گول مال اگین'کے اب تک کے بزنس 205 کروڑ کا ریکارڈ ایک جھٹکے میں توڑدیا۔ یاد رہے کہ 150 کروڑ کے بجٹ سے بنائی گئی فلم ریلیز کے صرف سات دنوں میں اپنی لاگت پوری کرچکی ہے لہٰذا اس کاشمار رواں سال کی سپر ہٹ فلموں میں کیا جارہا ہے۔

And #TZH hits a DOUBLE CENTURY... #TigerZindaHai is on 🔥🔥🔥... Emerges an OUTRIGHT WINNER... Now eyes ₹ 300 cr Club... Fri 34.10 cr, Sat 35.30 cr, Sun 45.53 cr, Mon 36.54 cr, Tue 21.60 cr, Wed 17.55 cr, Thu 15.42 cr. Total: ₹ 206.04 cr. India biz.

— taran adarsh (@taran_adarsh) December 29, 2017

ہدایت کارعلی عباس ظفرکی فلم'ٹائیگرزندہ ہے'دراصل 2012 میں ریلیزہوئی فلم'ایک تھا ٹائیگر'کا سیکوئل ہے جس میں سلمان اور کترینہ نے بھارتی اور پاکستانی ایجنٹ کا کردارنبھایا تھا۔ 'ٹائیگر زندہ ہے' کہ کہانی وہیں سے شروع ہوتی ہے جہاں سے 'ایک تھا ٹائیگر' کی ختم ہوئی تھی اس فلم میں سلمان اور کترینہ 40 نرسوں کو دہشتگردوں کے چنگل سے بچاتے ہوئے نظرآرہے ہیں۔

اس خبرکوبھی پڑھیں: سلومیاں نے ' ٹائیگر زندہ ہے' کی کامیابی کا راز بتا دیا

واضح رہے کہ سلمان خان نےچند روز قبل میڈیا سے بات کرتے ہوئے فلم کی کامیابی کا سہرا کترینہ کیف کے سر سجاتے ہوئے کہا تھا کہ کترینہ کی موجودگی کے باعث فلم کامیاب ہوئی ہے۔