مسلسل غیر حاضری پر سابق چیئرمین اوگرا توقیر صادق اشتہاری قرار

احتساب عدالت نے نیب کی درخواست پر سابق چیئرمین اوگرا توقیر صادق کو اشتہاری قرار دیتے ہوئے ان کی تمام جائیداد ضبط کرنے کا حکم دیا ہے۔


احتساب عدالت میں اوگرا کرپشن کیس کی سماعت کے دوران نیب نے درخواست کی کہ توقیر صادق کئی بار طلبی کے باوجود عدالت میں پیش نہیں ہورہے اس لئے توقیر صادق کو عدالت سے مسلسل غیر حاضری پر 31 اے کے تحت سزا دی جائے، نیب کا مؤقف سننے کے بعد عدالت نے سابق چیئرمین اوگرا کو اشتہاری قرار دیتے ہوئے ان کی تمام جائیداد ضبط کرنے کا حکم دے دیا ہے۔ کیس کی مزید سماعت18 مارچ تک کے لئے ملتوی کردی گئی ہے۔

واضح رہے کہ توقیر صادق متحدہ عرب امارات میں موجود ہیں ان کی وطن واپسی کے لئے وزارت داخلہ کی جانب سے کوششیں کی جارہی ہیں۔