ایران میں مہنگائی کے خلاف ہزاروں افراد سڑکوں پر نکل آئے

حکومت مخالف مظاہرے اب ملک کے 8 بڑے شہروں تک پھیل گئے ہیں۔ : فوٹو : سوشل میڈیا

---

PESHAWAR: ایران میں مہنگائی کے خلاف ہونے والے مظاہروں میں شدت آگئی ہے جب کہ احتجاج پر قابو پانے کے لیے درجنوں افراد کو گرفتار کرلیا گیا ہے۔

غیرملکی خبر رساں ادارے کے مطابق ایران میں ایک ہی ہفتے میں انڈوں کی قیمتیں دو گنا ہونے اور ایرانی صدر کی جانب سے آئندہ بجٹ میں دیگر ممالک جانے والے اپنے مسافروں پر ٹیکس میں اضافے کی تجویز کے بعد ملک بھر میں مہنگائی کے خلاف مظاہرے پھوٹ پڑے۔ مظاہرے اس وقت پرتشدد ہوگئے جب پولیس کی جانب سے مظاہرین کو روکنے کے لئے آنسو گیس اور واٹرگنز کا استعمال کیا گیا۔ اس دوران 52 افراد کو حراست میں بھی لے لیا گیا۔

BREAKING NEWS; Reports say Iranian forces have opened fire at protesters in Lorestan, Iran. Unconfirmed reports of three protesters dead. Bodies carried away by crowd.#IranProtests pic.twitter.com/L0oAhUUbW2

- BNL NEWS (@BreakingNLive) 30 December 2017

عرب میڈیا کے مطابق ایران کے علاقے لورستان میں مہنگائی کے خلاف احتجاج کے دوران مظاہرین قابو نہ آئے تو پولیس کو فائرنگ کرنا پڑی جس کے نتیجے میں تین افراد کے ہلاک ہونے کی اطلاعات ہیں جب کہ متعدد زخمی ہیں۔

یہ خبر بھی پڑھیں : امریکا کا ایران میں حکومت مخالف احتجاج کی حمایت کا اعلان

شہریوں کی گرفتاریوں کے بعد مظاہروں کا دائرہ کار بڑھ کر حکومت مخالف احتجاج تک پھیل گیا ہے، مظاہرین سیاسی قیدیوں کی رہائی اور پولیس کی جانب سے تشدد ختم کرنے کا مطالبہ کررہے ہیں۔

Protest in the coastal city of Bandar Abbas #Iran pic.twitter.com/ynj2qSrA0W

- Michael Horowitz (@michaelh992) 30 December 2017

حکومت کی جانب سے غیرقانونی اجتماع کے خلاف وارننگ جاری ہونے کے باوجود ملک بھر سے سوشل میڈیا پر احتجاج کی کالز دی جا رہی ہیں اور اب مظاہروں کا سلسلہ 8شہروں تک پھیل گیا ہے جب کہ سوشل میڈیا پر پوسٹ کی جانے والی احتجاج کی ویڈیوز میں سیکیورٹی فورسز اور عوام کے مابین ہونے والی جھڑپیں دیکھی جا سکتی ہیں۔