پشاور سے پنجاب اسلحہ اسمگل کرنے کی کوشش ناکام

پولیس نے بڈھ بیر میں کارروائی کرتے ہوئے ریت سے بھرے ٹرک سے بڑی تعداد میں اسلحہ برآمد کرلیا جو پنجاب اسمگل کیا جانا تھا۔


تھانہ بڈھ بیر پولیس نے خفیہ اطلاع پر ناکہ بندی کرکے ریت سے بھرے ٹرک سے بڑی تعداد میں اسلحہ برآمد کرلیا۔ پولیس کے مطابق برآمد کیے گئے اسلحے میں 2 کلاشنکوف، 2 رائفل، 120 بندوقیں اور ہزاروں کارتوس شامل ہیں اور یہ اسلحہ پنجاب اسمگل کیا جانا تھا تاہم بروقت کارروائی کرکے پنجاب کو بڑی دہشت گردی سے بچالیا۔

پولیس کا کہنا ہے کہ ٹرک ڈرائیور سمیت 2 افراد کو گرفتار کرلیا گیا ہے اور ان سے مزید پوچھ گچھ جاری ہے۔