سال نو کا جشن ہماری کامیابیوں کا مظہر ہے ترجمان پاک فوج

ہمیں یہ خوشیاں شہدا کی قربانیوں کی وجہ سے ملی ہیں، ڈی جی آئی ایس پی آر

ویب ڈیسک January 01, 2018

ہمیں اپنے غازیوں اور شہدا کا شکریہ ادا کرنے کی ضرورت ہے، ڈی جی آئی ایس پی آر فوٹو: فائل

LONDON: پاک فوج نے شہریوں کو نئے سال 2018 کی مبارکباد دیتے ہوئے کہا ہے کہ اس موقع پر شہدا کی قربانیوں کو بھی یاد رکھیں۔

پاک فوج کے ترجمان میجر جنرل آصف غفور نے سماجی رابطوں کی ویب سائٹ ٹوئٹر پر جاری بیان میں کہا کہ ملک بھر میں سال نو کا جشن بحیثیت قوم ہماری کامیابیوں اور عزم کا مظہر ہے۔

The jubilations and celebrations we see across the country tonight are indicative of our achievements and resolve as a nation. We owe it to them who gave their blood and lives for us. Remembering and thanking our ‘Ghazis & Shuhada’ for their noble sacrifices. pic.twitter.com/szJAmzOjzo
— DG ISPR (@OfficialDGISPR) December 31, 2017

ڈی جی آئی ایس پی آر کا کہنا تھا کہ ہمیں یہ خوشیاں شہدا کی قربانیوں کی وجہ سے ملی ہیں، ہمیں نئے سال کے موقع پر شہدا کی قربانیوں کو نہیں بھولنا چاہئے اور ان کا شکریہ ادا کرنے کی ضرورت ہے۔ قبل ازیں آرمی چیف جنرل قمر جاوید باجوہ نے اپنے پیغام میں کہا کہ 2018ء غیر معمولی چیلنجز کے ساتھ انتہائی اہمیت کا حامل ہے جب کہ پاکستان کے عزم کو کوئی شکست نہیں دے سکتا۔