کنگ خان کا مداحوں کو 2018 کا تحفہ

فلم ’زیرو‘ میں شاہ رخ خان کے ساتھ انوشکا اور کترینہ مرکزی کردار میں دکھائی دیں گی۔ فوٹو: فائل

---

شاہ رخ خان نے ہدایت کار آنند رائے کے ساتھ اپنی نئی فلم کے ٹائٹل کا اعلان کردیا جب کہ ساتھ ہی فلم کی پہلی جھلک بھی دکھادی۔

بالی ووڈ کنگ شاہ رخ کا ستارہ ان دنوں گردش میں ہے یہی وجہ ہے کہ ان کی گزشتہ کئی فلمیں خاطر خواہ کارکردگی دکھانے میں ناکام رہی ہیں اور انوشکا شرما کے ساتھ ان کی پچھلی فلم 'جب ہیری میٹ سجل' کی ناکامی نے اداکار کو مزید محتاط کردیا ہے۔

Arre sir apno ki gaaliyaan hain, khaa lenge 😊Par aap bataao ? 1st January kaisa rahega ?😊 pic.twitter.com/UrY1ZBX3pQ

— Aanand L Rai (@aanandlrai) December 31, 2017

شاہ رخ خان آج کل ہدایت کار آنند رائے کی فلم کی شوٹنگ میں مصروف ہیں جس کے ٹائٹل کا مداحوں کو بے صبری سے انتظار تھا اسی لیے اداکار نے بھی مداحوں کو آگاہ کرنے کے لیے دلچسپ طریقہ اپنایا۔ کنگ خان نے ہدایت کار سے سوشل میڈیا پر مکالمہ کرتے ہوئے کہا کہ سر، فلم کے ٹائٹل کا اعلان کرنا ہے یا 2018 میں بھی گالیاں ہی کھانی ہیں۔

टिकटें लिए बैठें हैं लोग मेरी ज़िंदगी की, तमाशा भी पूरा होना चाहिए!

As promised, here’s the title of @aanandlrai ‘s film. @AnushkaSharma #KatrinaKaif @RedChilliesEnt @cypplOfficial #2ZERO18 https://t.co/V7xtLY2k5u

— Shah Rukh Khan (@iamsrk) January 1, 2018

جس پر آنند رائے نے دلچسپ جواب دیتے ہوئے کہا کہ ارے سر اپنوں کی گالیاں ہیں یہ بھی کھالیں گے لیکن یکم جنوری کیسا رہے گا ؟ جس پر شاہ رخ خان نے اگلی ٹوئٹ میں وعدے کے مطابق نہ صرف فلم کے ٹائٹل 'زیرو' کا اعلان کیا بلکہ ساتھ ہی فلم کی پہلی جھلک بھی مداحوں کے ساتھ شیئر کی۔



اس خبر کو بھی پڑھیں؛ موت کی افواہ پر شاہ رخ خان کا دلچسپ تبصرہ

واضح رہے شاہ رخ خان فلم 'زیرو' میں چھوٹے قد کے آدمی کا کردار ادا کرتے ہوئے دکھائی دیں گے جو رواں سال 21 دسمبر کو ریلیز کی جائے گی جب کہ فلم میں انوشکا شرما اور کترینہ کیف بھی مرکزی کرداروں میں دکھائی دیں گی۔