پشاورجوڈیشل کمپلیکس دھماکے کے خلاف ملک بھرمیں وکلا سراپا احتجاج

وکلاء رہنماؤں نے پشاور جوڈیشل کمپلیکس میں بم دھماکوں کی مذمت کرتے ہوئے دہشتگردوں کی فوری گرفتاری کا مطالبہ کیا ہے۔ فوٹو: نسیم جیمز

---

BAHALWALPUR: پشاورجوڈیشل کمپلیکس پرحملےکے خلاف ملک بھر میں وکلا کا احتجاج جاری ہے۔

پشاورجوڈیشل کمپلیکس پرحملےکے خلاف کراچی کی سٹی کورٹ میں وکلاء نے عدالتی بائیکاٹ کیا، سندھ ہائی کورٹ میں تمام مقدمات کی سماعت ملتوی کردی گئی، جس کے باعث ججزنے فوری اوراہم نوعیت کے مقدمات کی سماعت اپنے چیمبرزمیں کی۔

جوڈیشل کمپلیکس میں بم دھماکے کے خلاف سکھر سمیت مختلف شہروں میں وکلاء نے عدالتی کارروائیوں کا بائیکاٹ کرتے ہوئے دہشتگردوں کی فوری گرفتاری کا مطالبہ کیا ہے، کوئٹہ سمیت بلوچستان بھر میں بھی وکلاء آج عدالتوں کا بائیکاٹ کررہے ہیں ،عدالتی بائیکاٹ کی اپیل بلوچستان بار ایسوسی ایشن اور بلوچستان ہائیکورٹ بار ایسوسی ایشن نے کی تھی۔