پشاور میں ہوائی فائرنگ کرنے والے 27 افراد گرفتار

سرچ آپریشن میں 8 اشتہاریوں سمیت 90جرائم پیشہ اور منشیات فروش بھی دھرلئے گئے ۔ فوٹو؛ فائل

---

صوبائی دارالحکومت پشاور میں پولیس نے نیو ائیر نائٹ پر ہوائی فائرنگ كے الزم میں 27 افراد كو گرفتار كرلیا۔

صوبائی دارالحكومت پشاور میں پولیس نے كارروائی كرتے ہوئے نیو ائیر نائٹ پر ہوائی فائرنگ كرنے کے الزام میں مختلف مقامات سے 27 افراد كو اسلحہ سمیت گرفتار كرلیا۔

دریں اثناء سی سی پی او پشاور كی ہدایت پر پولیس نے خصوصی ناكہ بندیوں اور سرچ آپریشن كے دوران سنگین مقدمات میں مطلوب 8 اشتہاریوں سمیت 90 جرائم پیشہ اور منشیات فروشوں كو گرفتار كركے ان كے قبضے سے 6 كلاشنكوف، 3 رائفل، ایک بندوق، 30 بور کے 32 پستول، سیكڑوں كارتوس، 21 كلو گرام چرس ،210 گرام ہیروئن اور 48 بوتل شراب برآمد كرلی۔

آپریشن كے دوران گرفتار ہونے والے افراد كے خلاف متعلقہ تھانوں میں مقدمات درج کرلیے گئے ہیں۔