کراچی پولیس کی کارروائی کالعدم تنظیم کے 2 دہشت گرد گرفتار

منگھوپیر اورکٹی پہاڑی کے علاقے میں کارروائی کے دونوں دہشت گردوں کو گرفتارکیا گیا،پولیس فوٹو:فائل

---

منگھوپیراور کٹی پہاڑی کے علاقوں سے پولیس نے کالعدم جماعتوں کے 2 دہشت گردوں کو گرفتارکرلیا۔

کراچی کے علاقے منگھوپیر کے قریب پیر آباد سے پولیس نے کالعدم جماعت سے تعلق رکھنے والے ایک مبینہ دہشت گرد کو گرفتار کیا جس کی شناخت شکیل بلوچ کے نام سے ہوئی ہے جو قتل،اقدام قتل سمیت سنگین جرائم کی متعدد وارداتوں میں مطلوب تھا ، ملزم کے قبضے سے ایک کلاشنکوف اور 50 راؤنڈز بھی برآمد کئے گئے۔

دوسری جانب کٹی پہاڑی میں پولیس نے کالعدم تنظیم کے دہشت گرد کوگرفتار کیا ،جس کی شناخت بلال عرف ٹینشن کے نام سے ہوئی ، ملزم سے ایک کلاشنکوف اور ایک ٹی ٹی پستول بھی ملی ہے ،گرفتار دہشت گرد جرائم کی کئی وارداتوں میں ملوث تھا۔