سونے کی قیمتوں میں اضافہ

ISLAMABAD:
فی اونس سونے کی قیمت8 ڈالر کے اضافے سے 1312 ڈالر کی سطح پر پہنچ گئی۔


بین الاقوامی بلین مارکیٹ میں فی اونس سونے کی قیمت8 ڈالر کے اضافے سے 1312 ڈالر کی سطح پر پہنچنے کے باعث مقامی صرافہ مارکیٹوں میں بھی منگل کو فی تولہ اور فی دس گرام سونے کی قیمتوں میں بالترتیب 300 اور 257 روپے کا اضافہ ہوگیا جس کے نتیجے میں کراچی حیدرآباد سکھر ملتان لاہور فیصل آباد راولپنڈی اسلام آباد پشاور اور کوئٹہ کی صرافہ مارکیٹوں میں تولہ سونے کی قیمت بڑھ کر56 ہزار 500 اور فی دس گرام سونے کی قیمت بڑھ کر48 ہزار 428 روپے ہو گئی، چاندی کی تولہ قیمت 10 روپے کے اضافے سے830 روپے اور فی دس گرام چاندی کی قیمت8.57 روپے بڑھ کر711.42 روپے ہوگئی۔