سال نو کی آمد پر سینٹرل جیل کے قیدیوں کی سزا ایک ماہ کم کردی گئی ہے۔

سینٹرل جیل کے سپرنٹنڈنٹ حسن سہتو نے بتایا ہے کہ میں نے صوابدیدی اختیارات کے تحت قیدیوں کی سزا میں ایک ماہ کی کمی کا اعلان کیا جس کا اطلاق سزا یافتہ قیدیوں پر ہوگا۔ اس اعلان کے بعد 208 قیدیوں کو فائدہ پہنچا اور ان کی سزا میں 30 دن کی کمی کردی گئی ہے۔

حسن سہتو نے بتایا کہ اس سلسلے میں نوٹیفکیشن جاری کردیا گیا ہے، انھوں نے وضاحت کی کہ اس کمی کا اطلاق ملک مخالف سرگرمیوں میں ملوث اور جاسوسی کے قیدیوں پر نہیں ہوگا۔