افغانستان میں امریکی ناکامیوں پر پاکستان کو قربانی کا بکرا بنایا جارہا ہے عمران خان

چند ہزار حقانی جنگجوؤں کی وجہ سے تاریخ کی سب سے بڑی مسلح فوج کامیاب نہ ہوسکی، چیرمین پی ٹی آئی فوٹو: فائل

---

TAXILA: پاکستان تحریک انـصاف کے چیرمین عمران خان نے کہا ہے کہ افغانستان میں امریکی ناکامیوں پر پاکستان کو قربانی کا بکرا بنایا جارہا ہے۔

چیئرمین پی ٹی آئی عمران خان نے ٹوئٹر پر جاری اپنے بیان میں کہا کہ باالآخر پاکستان کو تذلیل کا سامنا کرنا پڑا اور اسے افغانستان میں امریکی ناکامیوں پر قربانی کا بکرا بنایا جارہا ہے، یہ کہا جارہا ہے کہ مبینہ طور پر پاکستان میں موجود چند ہزار حقانی جنگجوؤں کی وجہ سے تاریخ کی سب سے بڑی مسلح فوج، ڈیڑھ لاکھ نیٹو فوجی اور دو لاکھ سے زیادہ افغانی فوجی کامیاب نہ ہوسکے۔

Finally Pak suffers ultimate insult: being made scapegoat for US failure in Afghanistan. A couple of thousand or so Haqqanis allegedly in Pak are supposed to be cause of why the most well-equipped mly force in history, 150k NATO troops + over 200k Afghan army could not succeed? https://t.co/ACmi72ZSKm

— Imran Khan (@ImranKhanPTI) January 3, 2018

عمران خان نے کہا کہ ڈونلڈ ٹرمپ امریکا کی افغانستان میں ناکامی کا ذمے دار اب پاکستان کو ٹھہرا رہے ہیں، ہمارا نائن الیون سے کوئی تعلق نہیں تھا پھر بھی ڈو مور کرتے رہے اور نقصان اٹھایا، دہشت گردی کیخلاف نام نہاد وار آن ٹیرر میں معیشت کا 100 بلین ڈالر سے زائد کا نقصان ہوا اور 70 ہزار افراد مارے گئے، میں شروع سے ہی نام نہاد امریکی وار آن ٹیرر کا حصہ بننے کی مخالفت کرتا رہا، جب کہ اب حکومت پاکستان بھی یہی کہہ رہی ہے۔

From the start I had opposed Pak becoming part of US-led so-called "War on Terror". Now, after suffering 70k dead, over $100 bn loss to economy, when we had nothing to do with 9/11, constant " do more" US taunts & after nation has been humiliated by Trump, GoP saying the same.

— Imran Khan (@ImranKhanPTI) January 3, 2018

چیئرمین پی ٹی آئی نے کہا کہ احسان فراموش اور ہٹ دھرم ڈونلڈ ٹرمپ پاکستان کو مورد الزام ٹہرا رہا ہے، اس سے یہ سبق ملتا ہے کہ چھوٹے موٹے عارضی مالی فائدے کے لیے دوسروں کا آلہ کار نہیں بننا چاہیے، ہم نے سی آئی اے کی مدد سے جہادی تنظیمیں بنائیں جس سے معاشرے میں انتہا پسندی اور تفریق پیدا ہوئی اور اب امریکا کے آرڈر پر ان تنظیموں کو دہشت گرد قرار دے کر ختم کررہے ہیں۔