قومی انڈر 19 ٹیم نیوزی لینڈ کے خلاف 5 وکٹ سے فتح یاب

نیوزی لینڈ کی ٹیم پہلے بیٹنگ کرتے ہوئے 49 اوورز میں 186 رنز ہی بنا سکی، فوٹو:فائل

---

قومی انڈر 19 ٹیم نے نیوزی لینڈ کو پہلے میچ میں 5 وکٹ سے شکست دےدی، 186 رنز کا ہدف 39 ویں اوور میں ہی حاصل کر لیا۔

نیوزی لینڈ کی جونیئر ٹیم پہلے بیٹنگ کرتے ہوئے 49 اوورز میں 186 رنز ہی بنا سکی، فلپس 38، واٹسن 30، کلارک 29 رنز کیساتھ کچھ مزاحمت کر پائے، ارشد اقبال نے 25 رنز کے عوض 5 شکار کیے، شاہین شاہ آفریدی نے 21 رنز دیکر 3 اور کپتان حسان خان نے 28 رنز کے عوض 2 وکٹیں حاصل کیں۔

گرین شرٹس نے 38.2 اوورز میں 5 وکٹوں کے نقصان پر باآسانی ہدف عبور کر لیا، عماد عالم 60 رنز کے ساتھ ٹاپ اسکورر رہے، محمد طحٰہ نے 46، محمد زید عالم نے 23 رنز بنائے، حسان خان 19 اور سعد خان 18 رنز پر ناقابل شکست رہے۔ واٹسن نے 2 جبکہ سولیون ، بھولا اور رویندرا نے ایک ایک وکٹ حاصل کی۔