لاہور پولیس کا کراچی کے چھرا مار ملزم کو گرفتار کرنے کا دعویٰ

گرفتار ملزم کا نام قادر بخش ہے جسے جلد کراچی پولیس کے حوالے کیا جائے گا، لاہور پولیس۔ فوٹو: اسکرین ویو

---

لاہور پولیس نے کراچی میں چھری سے وارداتیں کرنے والا ملزم کو گرفتار کرنے کا دعویٰ کیا ہے۔

ایکسپریس نیوز کے مطابق لاہور پولیس نے کراچی میں چھری سے وارداتیں کرنے والے ملزم کو گرفتار کرنے کا دعوی کیا ہے۔ پولیس کا کہنا ہے کہ گرفتار ملزم کا نام قادر بخش ہے جسے جلد کراچی پولیس کے حوالے کیا جائے گا۔

یہ خبر بھی پڑھیں: کراچی میں خواتین پر چاقو سے حملے کی گتھی مزید الجھ گئی

واضح رہے کہ کراچی میں گزشتہ سال ستمبر میں اچانک چھرا مار گروپ منظر عام پر آگیا تھا جو کراچی کے مختلف علاقوں میں خواتین کو نشانہ بناتا تھا اور اس دوران درجنوں خواتین کو تیز دھار آلے کی مدد سے زخمی بھی کیا جب کہ ملزمان کے خلاف شہر کے مختلف تھانوں میں درجنوں مقدمات بھی درج ہیں مگر اس کے باوجود سندھ پولیس ملزمان کو پکڑنے میں ناکام رہی۔