امریکی گالفر ٹائیگر ووڈ اسکی اسٹار لنزے وونن کے عشق میں مبتلا ہوگئے

جنسی اسکینڈل سامنے آنے کے بعد 2010 میں ٹائیگر ووڈ کی طلاق ہوگئی تھی۔ فوٹو: فائل

---

امریکی گالفر ٹائیگر ووڈ اپنی ہموطن اسکی اسٹار لنزے وونن کے عشق میں مبتلا ہوگئے، دونوں نے سوشل میڈیا پر ایک دوسرے میں دلچسپی کا اعلان کیا ہے۔

جنسی اسکینڈل سامنے آنے کے بعد 2010 میں ٹائیگر ووڈ کی طلاق ہوگئی تھی تاہم اب وہ لنزے کے ساتھ نئی زندگی کی شروعات کا ارادہ کیے بیٹھے ہیں۔ لنزے نے فیس بک پر ٹائیگر ووڈ کے ساتھ تصویر جاری کرتے ہوئے کہا کہ ہماری دوستی اب آگے بڑھ گئی اور میں بہت خوش ہوں۔

دوسری جانب ٹائیگر ووڈ نے بھی نئی محبت کے اعلان کیلیے ٹویٹر اور فیس بک کا سہارا لیا، انھوں نے بھی لنزے کے ساتھ اپنی تصاویر جاری کرتے ہوئے کہا کہ میرا یہ سیزن کافی اچھا گزرا، میں نے دو ایونٹس جیتے اور میری لنزے کے ساتھ ملاقات ہوئی، ہم پہلے سے ہی دوست تھے مگر گذشتہ چند ماہ سے ایک دوسرے کے بہت قریب آگئے اور ڈیٹنگ بھی کررہے ہیں۔