سونے کی قیمتوں میں معمولی اضافہ

فی تولہ سونے کی قیمت بڑھ کر56 ہزار 300 اور فی دس گرام سونے کی قیمت بڑھ کر48 ہزار 257 روپے ہو گئی۔ فوٹو: فائل

---

بین الاقوامی بلین مارکیٹ میں فی اونس سونے کی قیمت مستحکم رہنے کے باوجود تولہ اور دس گرام سونے کی قیمتوں میں اضافہ ہوگیا یے۔

بین الاقوامی بلین مارکیٹ میں فی اونس سونے کی قیمت بغیر کسی تبدیلی کے 1314ڈالر کی سطح پرمستحکم رہنے کے باوجود مقامی صرافہ مارکیٹوں میں جمعرات کوتولہ اور دس گرام سونے کی قیمتوں میں بالترتیب 50 اور 43 روپے کا اضافہ ہوگیا یے جس کے نتیجے میں کراچی حیدرآباد سکھر ملتان فیصل آباد لاہور اسلام آباد راولپنڈی پشاور اور کوئٹہ کی صرافہ مارکیٹوں میں فی تولہ سونے کی قیمت بڑھ کر56 ہزار 300 اور فی دس گرام سونے کی قیمت بڑھ کر48 ہزار 257 روپے ہو گئی تاہم فی تولہ چاندی کی قیمت830 اور دس گرام 711.42 روپے پربرقرار رہی۔