راولپنڈی میں سلنڈر پھٹنے سے 10 افراد زخمی

زخمیوں کو فوری طور پر ہولی فیملی اسپتال منتقل کردیا گیا۔ فوٹو: فائل

---

مسلم ٹاؤن کے ایک گھر میں سلنڈر پھٹنے سے تین بچوں سمیت 10 افراد زخمی ہوگئے۔

ایکسپریس نیوز کے مطابق راولپنڈی کےعلاقے مسلم ٹاؤن میں واقع ایک گھر میں دھماکا ہوا، ابتدائی اطلاعات کے مطابق دھماکا سلنڈر پھٹنے سے ہوا جس کے نتیجے میں 10 افراد زخمی ہوگئے ہیں جس میں 3 بچے بھی شامل ہیں ۔

پولیس کے مطابق دھماکا ساجد نامی شہری کے گھر میں ہوا ہے، تمام زخمیوں کو طبی امداد کے لیے فوری طور پر ہولی فیملی اسپتال منتقل کردیا گیا ہے۔