کوئی شادی کرتا ہے تو اس کا اعلان ضروری نہیں پرویز خٹک

پشاور ریپڈ بس میں کرپشن الزامات لگانے والے اورنج ٹرین کی خیر منائیں، وزیر اعلیٰ خیبرپختون خوا فوٹو:فائل

---

وزیراعلیٰ خیبرپختون خوا کا کہنا ہے کہ شہبازشریف کے صاحبزادے سلیمان شہباز کے ٹویٹر پیغام میں پشاور بس ریپیڈ ٹرانزٹ منصوبے پر کرپشن کے الزامات بے بنیاد ہیں۔

وزیراعلیٰ پنجاب شہبازشریف کے صاحبزادے سلیمان شہباز نے سماجی رابطے کی ویبٹ سائٹ ٹویٹر پر اظہار خیال کرتے ہوئے کہا تھا کہ پشاور میٹرو ایک کرپشن کا منصوبہ ہے جس کا ٹھیکہ ایک بدنام زمانہ بلیک لسٹ کمپنی کو دیا گیا۔

اس خبر کو بھی پڑھیں : عمران خان کی تیسری شادی کی مزید تفصیلات سامنے آگئیں

Peshawar Metro !!! A corruption mega scandal , blacklisted company awarded contracts to fund PTI by IK and company!!! MAQBOOL AND CALSON

— Suleman Sharif (@SulemanSharif82) January 5, 2018

سلیمان شہباز کے ٹویٹ پر رد عمل اور بس ریپیڈ ٹرانزٹ پشاور منصوبے پر کرپشن کے الزامات کی تردید کرتے ہوئے وزیراعلیٰ کےپی پرویز خٹک کا کہنا ہے کہ بی آر ٹی ایک شفاف ترین منصوبہ ہے جس کے عمل کو پشاور ہائی کورٹ نے اپنے فیصلے میں مکمل طور پر قانونی قرار دیا ہے، شہبازشریف کے صاحبزادے نے صوبائی حکومت پر کرپشن کے جو الزامات لگائے وہ جھوٹ پر مبنی ہیں۔

عمران خان کی شادی کے حوالے سے ایک سوال کے جواب میں وزیراعلیٰ خیبرپختون خوا نے انوکھی منطق پیش کرتے ہوئے کہا کہ اگر کوئی شادی کرتا ہے تو اس کا اعلان ضروری نہیں، اگر عمران خان نے شادی کی ہے تو اچھی بات ہے لیکن اگر نہیں کی تو نہیں کی، مذہبی پروگرامز میں ایسے سوالات کرنا مناسب بات نہیں۔

یہ بھی پڑھیں: صحت اور تعلیم بہتر نہ ہوئی تو اورنج ٹرین منصوبہ روک دوں گا، چیف جسٹس

پرویز خٹک کا کہنا تھا کہ ہم پر کرپشن کے الزامات لگانے والے خود قومی وسائل کی بے دریغ لوٹ مار میں ملوث ہیں، پنجاب میں میٹرو منصوبوں میں بہت سی چیزوں کو پسِ پردہ رکھا گیا ہے جو کرپشن کا منہ بولتا ثبوت ہے، ہم نے پنجاب کی طرح منصوبے کی مالی ضروریات کے لئے سماجی شعبے کی ترقی کو قربان نہیں کیا جب کہ اور بی آر ٹی کے ٹھیکا لینے والی مقبول کولسن نے اسلام آباد میٹرو اور ملتان میٹرو کا کام بھی کیا ہے یہ بلیک لسٹ نہی، الزامات لگانے والے اورنج ٹرین، اسلام آباد، ملتان اور لاہور میٹرو کی خیرمنائیں۔