کراچی فائرنگ تشدد سے متحدہ کے کارکن سمیت مزید12افراد ہلاک

چاکیواڑہ میں مخبری کے شبے پرایک شخص قتل،جیکسن،بھینس کالونی،رضویہ،بوٹ بیسن،سرجانی اور نارتھ ناظم آباد میں6 ہلاکتیں،8زخمی فوٹو: فائل

---

LONDON: کراچی میں قتل وغارت جاری ہے ،فائرنگ اورپرتشددواقعات میں متحدہ قومی موومنٹ کے کارکن سمیت مزید 12 افرادہلاک اور8زخمی ہوگئے۔

تفصیلات کے مطابق رامسوامی کے علاقے میں نامعلوم افراد کی فائرنگ سے30سالہ فیصل ہلاک ہوگیا،مقتول کی3ماہ قبل ہی شادی ہوئی تھی،وہ متحدہ قومی موومنٹ کاکارکن اورموٹر سائیکل کی رپیئرنگ کاکام کرتاتھا۔ نارتھ ناظم آبادبورڈآفس چورنگی کے قریب نامعلوم افرادکی پان کی دکان پرفائرنگ سے 25سالہ سمیع اللہ ہلاک اور32سالہ طارق زخمی ہوگیا۔

دونوں ڈی سلواٹائون عمرفاروق کالونی کے رہائشی تھے،شاہ لطیف ٹائون سیکٹر19-B میں کباڑیے کی دکان پرنامعلوم افرادکی فائرنگ سے 45 سالہ موسیٰ خان ہلاک ہوگیا،مقتول اپنی دکان پرچندلوگوںکے ساتھ بیٹھاتھاکہ جنھوں نے اسے فائرنگ کرکے ہلاک کردیااورفرار ہو گئے،مقتول علاقے کا ہی رہائشی تھاجبکہ اس کیخلاف مقدمات بھی درج تھے ،چاکیواڑہ کے علاقے میراں ناکہ میں نامعلوم افرادکی فائرنگ سے35سالہ نور احمدہلاک ہوگیا،مقتول پولیس کامخبرتھا،جیکسن بازارمیں موٹرسائیکل سوارملزمان کی فائرنگ سے22سالہ حنیف خان ہلاک ہوگیا۔

مقتول مچھر کالونی کارہائشی اورکے پی ٹی میں ملازمت کرتاتھا، بھینس کالونی میں شادی کی تقریب کے دوران فائرنگ سے11سالہ مرتضیٰ علی ہلاک ۔رضویہ سوسائٹی کے علاقے میں نامعلوم افراد کی فائرنگ سے32 سالہ سیدعمران حیدر نقوی ہلاک ہوگیا ، مقتول موٹر سائیکل پر اپنی رہائش گاہ نارتھ ناظم آباد بلاک آئی جارہاتھا کہ نامعلوم افراد نے فائرنگ کرکے ہلاک کردیا۔سرجانی ٹائون کے علاقے سیکٹرسیون اے میں نامعلوم افراد کی فائرنگ سے خالدعرف گنجاہلاک ہوگیا۔بوٹ بیسن کے علاقے بلاک سیون میں نامعلوم افراد نے کار رجسٹریشن نمبر AVC-268 پر فائرنگ کردی۔



جس کے نتیجے میں کار سوار 55 سالہ منہاس ذوالفقارہلاک ہوگیا، مقتول حال ہی میں بیرون ملک سے آیا تھا ،سہراب گوٹھ کے علاقے میں سپر مارکیٹ کے عقب سے نوجوان کی لاش ملی جوکہ پراسرار طور پر ہلاک ہوگیا،بن قاسم کے علاقے گھگھرپھاٹک کے قریب تالاب میں 7روز پرانی لاش ملی،ہلاک ہونے والے شخص کی شناخت نہیں ہوسکی،متوفی کی عمر 40 سے45 کے درمیان بتائی جاتی ہے۔کھارادرکھڈا مارکیٹ میں مدینہ مسجد کے قریب فائرنگ سے20 سالہ شیراز،مومن آباد میں 25 سالہ منیر،فرنٹیئر کالونی ربانی محلہ میں25 سالہ شیرین شریف جبکہ سپر مارکیٹ میں احسان زخمی ہوگیا ۔

گلبہار کے علاقے لیاقت چوک پرنامعلوم افراد کی فائرنگ سے متحدہ قومی موومنٹ کا سابق یونٹ انچارج فراست مرزاعرف پاشازخمی ہوگیا۔سائٹ کے علاقے ہارون آبادمیں نامعلوم سمت سے آنے والی گولی لگنے سے 14 سالہ عرفان ولد فاروق زخمی ہوگیا۔رات گئے ملنے والی اطلاعات کے مطابق شپ اونر کالج کے قریب عوامی ویلفیئر آرگنائزیشن کی ایمبولینس نمبر CK-5343 پرفائرنگ سے 25 سالہ رضا ہلاک جبکہ شہزاد اور وسیم کو زخمی ہوگئے۔ فلاحی ادارے کا عملہ ایمبولینس میں میگا فون کی مدد سے چندہ جمع کرنے گیا تھا۔ پاک کالونی میں 35سالہ نامعلوم شخص ،الفلاح شمسی سوسائٹی میںوقار جبکہ آلاصف پر محمد اسلام زخمی ہوگیا