بجلی کی لوڈشیڈنگ کے خلاف تاجروں کے مظاہرے پر پولیس کے لاٹھی چارج اور فائرنگ کے نتیجے میں 50 افراد زخمی ہوگئے ہیں جبکہ مظاہرین نے ایک پولیس وین کو آگ لگادی ہے۔

ایکسپریس نیوز کے مطابق مظفر آباد میں بجلی کی لوڈ شیڈنگ کے خلاف تاجروں کی ریلی اسمبلی کے باہر مظاہرے کے لئے رواں دواں تھی کہ اپر اڈا کے قریب پولیس نے انہیں روکنے کے لئے لاٹھی چارج شیلنگ اور فائرنگ کردی جس کے نتیجے میں 50 سے زائد افراد زخمی ہوگئے۔

پولیس کے تشدد پر مظاہرین بے قابو ہوگئے اور انہوں نے پولیس وین کو آگ لگادی، پولیس اور احتجاجی مظاہرین کے درمیان تصادم کا سلسلہ وقفے وقفے سے جاری ہے۔