زینب کے قتل نے پورے ملک کو جھنجھوڑ کر رکھ دیا مجرم کو سرعام پھانسی کا مطالبہ

زینب 5 روز قبل سپارہ پڑھنے گھر سے نکلی تھی کہ لاپتہ ہوگئی

ویب ڈیسک January 10, 2018

زینب کے قاتلوں کو گرفتار کرکے نشان عبرت بنایا جائے گا،مریم نواز، فوٹوفائل

پنجاب کے شہر قصور میں کمسن بچی کے ساتھ زیادتی کے بعد لرزہ خیز قتل کے واقعے نے پورے ملک کو جھنجھوڑ کر رکھدیا سوشل میڈیا پر بھی واقعے کے خلاف شدید ردعمل کا اظہار کیا جارہا ہے۔

قصور میں معصوم کمسن بچی زینب کے ساتھ زیادتی کے بعد قتل کے ایک اور واقعے نے پورے ملک سمیت پاکستان کے سیاستدانوں کو بھی ہلا کررکھ دیا۔ زینب 5 روز قبل سپارہ پڑھنے گھر سے نکلی تھی کہ لاپتہ ہوگئی، گزشتہ رات بچی کی لاش کوڑے کے ڈھیر سے ملی۔ لاش ملنے کے ساتھ ہی لوگوں میں شدید غم وغصہ پھیل گیااور لوگوں نے احتجاج کرتے ہوئے ملزم کو کڑی سزا دینے کا مطالبہ کردیا۔ سوشل میڈیا پر بچی کے اغوا اور قتل کے خلاف شدید ردعمل کا اظہار کیا جارہا ہے اور 'زینب کے لیے انصاف'کے نام سے ہیش ٹیگ ٹوئٹر پر ٹاپ ٹرینڈ کررہا ہےجس میں صارفین کی جانب سے درندہ صفت قاتل کو سرعام پھانسی پر لٹکانے کا مطالبہ کیا جارہا ہے۔

اس خبرکوبھی پڑھیں: قصور میں 8 سالہ بچی کا زیادتی کے بعد لرزہ خیز قتل

سابق وزیر اعظم نواز شریف کی صاحبزادی مریم نواز نے واقعے کی شدید مذمت کرتے ہوئے ٹوئٹ کی ہے کہ امید اور دعا کرتی ہوں کہ ننھی بچی کے قاتلوں کو نہ صرف گرفتار کیاجائے گا بلکہ عبرت کا نشان بھی بنایا جائے گا۔

سینیٹر رحمان ملک نے بھی زینب سے زیادتی اور قتل کا نوٹس لیتے ہوئے کہا ہے کہ واقعہ انتہائی دردناک، افسوسناک اور ناقابل برداشت ہے۔ جویریا وحید نامی صارف نے واقعے پر افسوس کا اظہار کرتے ہوئے کہا کہ ننھی زینب کے والدین کچھ روز قبل ہی عمرے کی ادائیگی کے لیے سعودی عرب گئے تھے یہ خبر ان کے لیے بہت افسوسناک ہوگی۔

It's heartbreaking to note that the parents of little Zainab are in Saudi Arabia to perform Umrah.
For a moment just feel the pain that they are going through. #JusticeForZainab
— Jaweria Waheed (@jaweriaWd) January 9, 2018

کچھ صارفین نے انتظامیہ اور سسٹم کی ناہلی پر شدید غم و غصے کا اظہار کرتے ہوئے کہا کہ یہ سسٹم اب کام کرنےاور ہماری بچیوں کو تحفظ فراہم کرنے کے قابل نہیں رہا۔

Her innocent feelings are belittled and demolished . This system is no more Workable to secure the sanctity of our daughters.#JusticeForZainab
— Ayesha Mubashir (@Ayeshapost) January 9, 2018

احمد گل نامی صارف نے اپنا درد بیان کرتے ہوئے لکھا اس گھناؤنے قتل کے واقعے کو بیان کرنے کے لیے ان کے پاس الفاظ نہیں ہیں۔ یہ انسانیت کی تذلیل ہے قاتل کو سخت سزا دینے کی ضرورت ہے تاکہ مستقبل میں اس طرح کے حیوانوں کے لیے سبق حاصل ہوسکے۔

https://twitter.com/RebornGill/status/950951961628696576

اس خبرکوبھی پڑھیں: معصوم زینب کے قتل پر شوبز و کرکٹ ستارے بھی اشک بار

ایک اور صارف نے ایران کی مثال دیتے ہوئے ایک تصویر شیئر کی جس میں ایک شخص کو سرعام پھانسی دی جارہی ہے۔ صارف نے لکھا ایران میں زیادتی کرنے والے افراد کو سرعام چوراہے پر لٹکا یا جاتا ہے لیکن معاف کیجئے ہماری اشرافیہ ایک دوسرے پر کیچڑ اچھالنے اور عمران خان کی شادی پر تبصرے کرنے میں مصروف ہے۔

This is #Iran where Rapist was Punished Publicly but sorry Our Elite Rulers are Busy in Defaming each other on legitimate Wedding of Imran Khan #JusticeForZainab pic.twitter.com/HS7hcj04BO
— A.M.Ansari 🇵🇰 (@A_MateenAnsari) January 9, 2018

احتشام الحق نامی صارف نے بچی کو اغوا کرکے لےجانے کی تصاویرشیئر کرتے ہوئے لکھا کہ یہ تصاویرزینب کے قاتل کی ہیں جن میں قاتل واضح نظر آرہا ہے تو کیوں یہ شخص اب بھی آزاد گھوم رہا ہے؟کیا ہماری ایجنسیز اور حکام کو یہ شخص نظر نہیں آرہا ؟کیا ہم اس حیوان کو پکڑ کر سب کے سامنے سزا نہیں دے سکتے؟ کیا ہم اپنے بچوں کی حفاظت کے لیے کچھ کرنہیں سکتے۔

The picture of Zainab’s rapist & killer is clearly captured. Why he is still roaming freely? Can our agencies and authorities capture him? Can we please catch this animal and punish him publicly? Can we do something to protect our children? #JusticeForZainab #Justice4Zainab pic.twitter.com/Z7GghqvaTd
— Ihtisham Ul Haq (@iihtishamm) January 10, 2018

علی عمران نے کہا اس واقعے پر نہ کوئی دھرنا دیا جارہا ہے، نہ ٹائر جلا ئے جارہے ہیں، نہ سڑکیں بند کی جارہی ہیں کیونکہ یہ صرف ایک عام انسان کی بچی ہےجسے آپ نہیں جانتے، اگر ہم نے بچی کے لیے آواز بلند نہیں کی تو یہ سب وقت کے ساتھ بدتر ہوجائے گا۔

https://twitter.com/ali_ppk/status/950961434468511745