اسرائیل نے ایران پر حملہ کیا تو اس کے شہروں کو تباہ کر دیا جائے گا خامنہ ای

ایران کے سپریم لیڈر خامنہ ای نے کہا کہ اگر اسرائیل کی جانب سے ایران پر حملہ کرنے کی غلطی کی گئی تو ایران تل ابیب اور حیفہ کو پوری طرح سے تباہ کر دے گا۔ فوٹو: اے ایف پی/فائل

---

KARACHI: ایران کے سپریم لیڈر آیت اللہ خامنہ ای نے کہا ہے کہ اسرائیل کی جانب سے اگر ایران پر حملہ کیا گیا تو ایران اسرائیل کے 2 بڑے شہروں تل ابیب اور حیفہ کو پوری طرح تباہ کر دے گا۔

خامنہ ای نے مشہد سے ٹی وی پر اپنی تقریر کے دوران کہا کہ اسرائیل کی جانب سے کئی دفعہ ایران پر حملوں کی دھمکی دی جا چکی ہے، ان کا کہنا تھا کہ اگر اسرائیل کی جانب سے ایران پر حملہ کرنے کی غلطی کی گئی تو ایران تل ابیب اور حیفہ کو پوری طرح سے تباہ کر دے گا۔

واضح رہے کہ اسرائیل اور امریکا سمیت کئی مغربی ممالک کا یہ ماننا ہے کہ ایران بڑے پیمانے پر جوہری ہھتیاروں کی تیاری کے لئے یورینیم کی افزودگی کر رہا ہے اور اس حوالے سے اسرائیل کئی بار ایران پر حملے کی دھمکی بھی دے چکا ہے۔