قومی ڈپارٹمنٹل ون ڈے کپ یو بی ایل نے جیت لیا

KABUL:
یو بی ایل نے فائنل میں واپڈا کو 6 وکٹوں سے شکست دے کر قومی ڈپارٹمنٹل ون ڈے کپ چیت لیا۔

ایونٹ میں ناقابل شکست رہنے والی یو بی ایل کی ٹیم نے ٹاس جیت کر واپڈا کو پہلے بیٹنگ کی دعوت دی جنہوں نے 48.3 اوورز میں تمام وکٹوں کے نقصان پر 218 رنز بنائے جب کہ وہاب ریاض 53، خالد عثمان 46، بسم اللہ خان 43 اور کپتان سلمان بٹ 19 رنز کے ساتھ نمایاں رہے اور یو بی ایل کی جانب سے حماد اعظم نے 3، میر حمزہ اور محمد اصغر نے 2 ، 2 جب کہ ثمین گل اور عاشق علی نے ایک ایک وکٹ حاصل کی۔


جواب میں یو بی ایل نے 43 اوورز میں 4 وکٹوں کے نقصان پر با آسانی ہدف عبور کر لیا، صہیب مقصود 63 رنز کے ٹاپ اسکورر رہے جب کہ شان مسعود نے 59 رنز کی اننگز کھیلی، سعد علی 42 اور کپتان یونس خان 33 رنز پر ناقابل شکست رہے، واپڈا کی جانب سے خالد عثمان نے 3 اور زاہد منصور نے ایک وکٹ حاصل کی جب کہ حماد اعظم مین آف دی میچ قرار پائے، کامران اکمل ایونٹ کے بہترین کھلاڑی، شان مسعود بہترین بیٹسمین جب کہ صدف حسین بہترین بولر قرار پائے۔