سرفراز احمد اپنی پرفارمنس سے کھلاڑیوں کو متاثر کریں یونس خان

چیمپئنز ٹرافی کی فاتح قومی ٹیم کو سپورٹ کرنے کی ضرورت ہے، یونس خان۔ فوٹو: فائل

---

سابق قومی کپتان یونس خان نے کہا ہے کہ سرفراز احمد اپنی پرفارمنس سے کھلاڑیوں کو متاثر کریں جب کہ چیمپئنز ٹرافی کی فاتح قومی ٹیم کو سپورٹ کرنے کی ضرورت ہے۔

ڈپارٹمنٹل ون ڈے ٹورنامنٹ کی فاتح یو بی ایل کی ٹیم کے کپتان یونس خان نے میڈیا سے گفتگو کرتے ہوئے کہا کہ پاکستان وہی ٹیم تھی جس نے چیمپئنز ٹرافی جیتی لیکن اب ٹیم کو سپورٹ کرنے کی ضرورت ہے جب کہ قومی ٹیم کو نیوزی لینڈ کے خلاف سیریز کو سمجھنا ہوگا۔

اس خبر کو بھی پڑھیں :سرفراز نے کیویز كے خلاف چوتھے میچ میں ٹیم میں تبدیلیوں كا اشارہ دے دیا

سابق کپتان نے کہا کہ سرفراز احمد کو اپنی فٹنس اور پرفارمنس پر توجہ دینی ہوگی، کپتان جب پرفارمنس دے گا تو کھلاڑی بھی اچھا کھیل پیش کریں گے۔ انہوں نے کہا کہ جب بھی ٹیم کو ضرورت ہوگی اپنی خدمات دینے کے لیے تیار ہوں۔

یہ بھی پڑھیں :قومی ڈپارٹمنٹل ون ڈے کپ یو بی ایل نے جیت لیا

یونس خان کا کہا کہ شان مسعود پر چھاپ تھی کہ وہ ٹیسٹ پلیئر ہیں تاہم ڈپارٹمنٹل ون ڈے ٹورنامنٹ میں شاندار کارکردگی دکھاتے ہوئے وہ یہ چھاپ ہٹانے میں کامیاب رہے ہیں اور عمر اکمل نے بھی اچھا کھیل پیش کیا۔