پاکستان سے رواں مالی سال 2012-13 کے پہلے8 ماہ کے دوران ٹیکسٹائل کے شعبے کی برآمدات میں 6.55 فیصد اضافہ ہوا۔

پاکستان بیورو شماریات (پی بی ایس) سے جاری کردہ اعدادوشمار کے مطابق جولائی 2012 سے فروری 2013 تک 8 ارب 48 کروڑ30لاکھ ڈالر مالیت کی ٹیکسٹائل مصنوعات برآمد کی گئیں جبکہ گزشتہ مالی سال کی اسی مدت کے دوران 7 ارب 96 کروڑ 20 لاکھ ڈالر مالیت کی ٹیکسٹائل مصنوعات برآمد کی گئی تھیں، گزشتہ 8 ماہ کے دوران کاٹن یارن کی برآمدات میں سال بہ سال31 فیصد اضافہ ہوا۔