بلوچستان میں ژوب اور گردو نواح میں زلزلے کے جھٹکے

زلزلے کا مرکز ژوب کے شمال میں 70کلومیٹر دور تھا،زلزلہ پیما مرکز۔ فوٹو: فائل

---

صوبہ بلوچستان کے ضلع ژوب اور گردو نواح میں زلزلے کے جھٹکے محسوس کیے گئے جن کی شدت ریکٹر اسکیل پر 3.3 ریکارڈ کی گئی۔

ایکسپریس نیوز کے مطابق بلوچستان کے ضلع ژوب اور اس کے گرد و نواح میں زلزلے کے جھٹکے محسوس کیے گئے ہیں جس کے باعث علاقے میں خوف و ہراس پھیل گیا اور لوگ کلمہ طیبہ کا ورد کرتے ہوئے گھروں سے باہر نکل آئے۔

زلزلہ پیما مرکز کے مطابق ریکٹر اسکیل پر زلزلے کی شدت 3.3 ریکارڈ کی گئی جب کہ زلزلے کا مرکز ژوب کے شمال میں 70 کلومیٹر دور تھا، زلزلے کے ان جھٹکوں سے ہونے والی کسی مالی یا جانی نقصان کی فی الوقت کوئی اطلاع نہیں ملی۔