ایشین گیمز كوالیفائرز میں پاكستان ہاكی ٹیم كو فتح مل ہی گئی

ایشین گیمز كوالیفائرز میں پاكستان ہاكی ٹیم كو فتح مل ہی گئی، انڈونیشیا كے خلاف صفر كے مقابلے میں 3 گول سے كامیابی سمیٹی، گرین شرٹس كی طرف سے مائرہ صابر نے 2 بار گیند كو جال كے اندر پھینكا جب كہ امرین ارشد نے ایک گول كیا۔

تھائی لینڈ كے دارالحكومت بنكاک میں جاری ایشین گیمز كوالیفائرز میں 3 مسلسل شكستوں كے بعد پاكستان خواتین ہاكی ٹیم نے اكلوتی فتح حاصل كر ہی لی، یكطرفہ مقابلے میں انڈونیشیا كو صفر كے مقابلے میں 3 گول سے شكست دی، گزشتہ روز ہونے والے اس میچ میں پاكستانی ٹیم نے ابتداء میں ہی جارحانہ انداز اپنایا اور چوتھے منٹ میں مائرہ صابر كے ذریعے ایک گول كی برتری حاصل كرلی۔


16ویں منٹ میں پاكستانی ٹیم نے ایک بار پھر عمدہ موو بنائی اور گیند كو حریف سائیڈ كے ڈی ایریا میں لے جانے میں كامیاب ہوگئیں، وہاں پر پہلے سے موجود مائرہ صابر نے ساتھی پلیئر كے پاس پر گیند كو گول پوسٹ كے اندر پھینک كر پاكستانی ٹیم كی برتری دوگنا كردی۔ 29ویں منٹ میں امرین ارشد نے قومی ٹیم كی طرف سے تیسرا گول كیا۔

آخری 2 كوارٹرز میں بھر پور پور كوششوں كے باوجود كوئی بھی ٹیم مزید گول كرنے میں كامیاب نہ ہو سكی، میچ كے دوران انڈونیشیا كی ٹیم كو بھی گول كرنے كے مواقع ملے لیكن ان كی فاروڈز ان سنہری موقعوں سے فائدہ نہ اٹھا سكی۔