اسلام آباد سے سعودی عرب ہیروئن اسمگل کرنے کی کوشش ناکام

ملزم خان محمد سوات کا رہائشی ہے، اے ایس ایف۔ فوٹو: فائل

---

بے نظیر انٹرنیشنل ایئرپورٹ پر ہیروئن سعودی عرب اسمگل کرنے کی کوشش کرنے والے ایک ملزم کو گرفتار کرلیا گیا۔

ایکسپریس نیوز کے مطابق بے نظیر انٹرنیشنل ایئرپورٹ پر تعینات ایئرپورٹ سیکیورٹی فورس (اے ایس ایف) نے سعودی عرب ہیروئن لے جانے کی کوشش کرنے والے ایک ملزم کو گرفتار کرکے ایک کلو گرام سے زائد آئس ہیروئن برآمد کرلی۔

اے ایس ایف حکام کا کہنا ہے کہ ملزم خان محمد سوات کا رہائشی ہے جو نجی ایئر لائن کی پرواز سے سعودی عرب جارہا تھا جس کے پاس سے چاکلیٹ کیک میں چھپائی گئی ایک کلو گرام سے زائد آئس ہیروئن برآمد ہوئی ہے۔

ترجمان کے مطابق ملزم کو گرفتار کرکے اینٹی نارکوٹکس فورس (اے این ایف) کے حوالے کردیا گیا ہے۔