شاہ رخ کی پریانکا چوپڑا سے خفیہ شادی کا انکشاف

بالی وڈ کنگ اداکارہ کی حمایت کے لیے ہر حد تک جانے کیلیے تیار ہیں، بھارتی میڈیا۔ فوٹو: فائل

---

بھارتی میڈیا نے دعویٰ کیا ہے کہ بالی وڈ کنگ خان شاہ رخ نے اپنی ساتھی اداکارہ پریانکا چوپڑا سے خفیہ شادی کرلی۔

فرسٹ پوسٹ نامی جریدے نے دعویٰ کیا کہ شاہ رخ خان نے پریانکا چوپڑا کو اپنا شریک حیات بنالیا ہے۔رپورٹ کے مطابق شاہ رخ نے یہ اقدام پریانکا کو ان کا حقیقی مقام دینے کے لیے کیا ہے کیونکہ سابق مس ورلڈ کو کنگ خان کی اہلیہ گوری اور ان کے قریبی حلقے نے جذبانی طور پر بہت پریشان کیا۔

رپورٹ کے مطابق شاہ رخ خان پریانکا چوپڑہ کی حمایت اور تحفظ کے لیے ہر حد تک جانے کے لیے تیار ہیں۔ بھارتی میڈیا کے مطابق پریانکا چوپڑا ہی ہیں جن کی وجہ سے شاہ رخ اور کرن جوہر جیسے انتہائی قریبی دوستوں کا تعلق متاثر ہوا ہے۔