سینئر ہدایتکار سید نور کہا ہے کہ فی الوقت فلم انڈسٹری کے حالات اطمینان بخش تو نہیں تاہم ہمیں مایوس نہیں ہونا چاہیے۔

زیادہ محنت کرکے زیادہ اچھی فلمیں بنانا چاہئیں اور مجھے امید ہے کہ فلم انڈسٹری جلد کھویا ہوا مقام حاصل کرلیگی۔ انھوں نے کہا کہ معیاری اسکرپٹ کامیاب فلم کی بنیاد ہوتی ہے جب آپ کی بنیاد ہی کمزور ہوگی تو اس پر عمارت کھڑی نہیں کی جا سکتی۔

میں آج پھر کہوں گا کہ اپنے ثقافت کے اندر رہتے ہوئے اسکرپٹ لکھا جائے اور اپنے معاشرے میں رونما ہونے والی تبدیلیوں کو موضوع بنایا جائے۔ انھوں نے کہا کہ سنجیدہ دوستوں سے مسلسل رابطے میں ر ہ کر انڈسٹری کی بہتری کے لیے منصوبہ بندی کرتا رہتا ہوں۔