ججز اپنے کام کے سوا سارے کام کررہے ہیں بلاول بھٹوزرداری

ججز کی اپنے کام کے علاوہ دیگر کاموں پر توجہ کے باعث انصاف متاثر ہورہا ہے، بلاول زرداری : فوٹو: فائل

---

پیپلز پارٹی کے چئیرمین بلاول بھٹوزرداری کا کہنا ہے کہ ججز اپنے کام کے سوا دیگر سارے کام کررہے ہیں اور ان کی زیادہ توجہ سیاسی معاملات پر ہے جس کی وجہ سے انصاف کی فراہمی متاثر ہورہی ہے۔

سماجی رابطے کی ویب سائٹ ٹویٹرپر اظہارِخیال کرتے ہوئے چئیرمین پیپلزپارٹی بلال بھٹو زرداری کا کہنا تھا کہ چیف جسٹس کی سربراہی میں لاریفارمزکمیشن قائم ہے اور چاروں صوبوں کے چیف جسٹس اس کمیشن کے رکن ہیں، قانون کے مطابق کمیشن نے سال میں 4 بار اجلاس کرنے ہوتے ہیں لیکن 2015 سے اب تک لاریفارمز کمیشن کا کوئی اجلاس ہی نہیں ہوا۔

Law Reforms Commission headed by Chief Justice of Pakistan and has all provincial Chief Justices as members.Under the Rules,it has to meet 4 times a year. They haven’t met since 2015. While judges continue to play politician & do all jobs but theirs - justice suffers in Pakistan.

— BilawalBhuttoZardari (@BBhuttoZardari) January 21, 2018

بلاول بھٹوزرداری کا کہنا تھا کہ ججز انصاف کے سوا دیگر سارے کام کررہے ہیں بلکہ ان کی زیادہ توجہ سیاسی معاملات پر ہے، ججز سیاست دانوں والا کردار ادا کررہے ہیں اور ان کی اپنے کام کے سوا دیگر کاموں پر توجہ کے باعث انصاف متاثر ہورہا ہے۔