نیا کاغذات نامزدگی فارم مشکل ہے کافی لوگ متاثر ہو سکتے ہیں صلاح الدین

الیکشن کمیشن نے کاغذات نامزدگی فارم میں کچھ شقیں ڈال کر اسے کافی پیچیدہ بنا دیا ہے، صلاح الدین۔ فوٹو: فائل

---

متحدہ قومی موومنٹ کے سابق رکن قومی اسمبلی صلاح الدین کا کہنا ہے کہ نیا کاغذات نامزدگی فارم ماضی کی نسبت مشکل فارم ہے اس سے کافی لوگ متاثر ہو سکتے ہیں۔

قومی اسمبلی کے حلقہ این اے220 سے کاغذات نامزدگی فارم حاصل کرنے کے بعد میڈیا سے بات چیت کرتے ہوئے متحدہ قومی موومنٹ کے رہنما صلاح الدین نے کہا کہ الیکشن کمیشن نے کاغذات نامزدگی فارم میں کچھ شقیں ڈال کر اسے کافی پیچیدہ بنا دیا ہے بہت سی غیر ضروری باتیں پوچھی گئی ہیں،عوام کا کام ہے کہ وہ اپنے امیدواروں کا فیصلہ کرے، ان کا کہنا تھا کہ الیکشن کمیشن کی جانب سے میر ہزار خان کھوسو کی نگراں وزیر اعظم کی حیثیت سے تعیناتی احسن اقدام ہے، تاہم یہ کام اگر سیاستدانوں کو متفقہ طور پر کرنا چاہیے تھا، نگراں وزیر اعظم کے لیے سابق وزیراعظم، قائد حزب اختلاف اور پھر اس کے بعد پارلیمانی کمیٹی نے عوام کو عجیب کشمکش میں مبتلا کر دیا تھا۔