سلمان خان کی ’سلطان‘ نے تہران فلم فیسٹیول کا میلہ لوٹ لیا

فلم ’سلطان‘ نے تہران فیسٹیول میں تین بہترین کیٹگری کے ایوارڈز جیت کر محفل کا سماء باندھ لیا۔ فوٹو: فائل

---

MIAMI: بالی ووڈ کے میگا اسٹار سلمان خان کی فلم 'سلطان ' نے تہران میں اسپورٹس فلم فیسٹیول کا میلہ لوٹ لیا۔

بھارتی میڈیا رپورٹس کے مطابق 2016 میں ریلیز ہونے والی دبنگ خان کی فلم' سلطان' نے 500 کروڑ سے زائد کا بزنس کرکے باکس آفس پر اپنا مقام بنایا وہیں سلمان خان کی فلم کئی ایوارڈ کے لئے نامزد ہونے کے ساتھ متعدد ایوارڈز بھی اپنے نام کرنے میں کامیاب ہوئی جب کہ اب فلم نے تہران فیسٹیول میں بھی 3 بہترین کیٹگری کے ایوارڈز اپنے نام کرلیے۔

بھارتی میڈیا رپورٹس کے مطابق ایران میں منعقد تہران انٹرنیشنل اسپورٹس فلم فیسٹیول میں دنیا بھر سے کئی فلموں کو مختلف کیٹگری کے لئے نامزد کیا گیا جہاں بالی ووڈ کی فلم 'سلطان' نے تمام فلموں کو پیچھے چھوڑتے ہوئے اپنی سلطانی کا ثبوت دیا اور بہترین اداکار، اداکارہ اور ہدایت کار کے ایوارڈز لے اڑی۔

Sultan wins 3 top awards at Tehran international sport film festival, Best actor @BeingSalmanKhan, best actress @AnushkaSharma & best Director ;) https://t.co/q0ILbiVYwL. pic.twitter.com/XsXwOdWzTq

— ali abbas zafar (@aliabbaszafar) January 22, 2018

فلم کے ہدایت کار علی عباس ظفر نے سماجی رابطے کی ویب سائٹ پر اپنے ٹوئٹ میں تہران فیسٹیول میں فلم 'سلطان' کے لئے سلمان خان کو بہترین اداکار، انوشکا شرما کو بہترین اداکارہ اور خود کو بہترین ہدایتکار کا ایوارڈز ملنے پرخوشی کا اظہار کیا۔