نااہل شخص کی پارٹی صدارت پرسماعت آج ہوگی

سپریم کورٹ نے نوازشریف،الیکشن کمیشن ودیگرسے جواب مانگا تھا۔ فوٹو: فائل

---

سپریم کورٹ میں انتخابی اصلاحات ایکٹ 2017 کیخلاف دائر آئینی درخواستوں کی سماعت آج ہوگی۔

عدالت عظمیٰ میں انتخابی اصلاحات ایکٹ2017 کیخلاف دائر آئینی درخواستوں کی سماعت آج ہوگی جب کہ چیف جسٹس کی سربراہی میں فل بینچ ان درخواستوں کی سماعت کرے گا۔

یاد رہے کہ چیئرمین تحریک انصاف عمران خان، پیپلزپارٹی کے رہنما نیئر حسین بخاری، عوامی مسلم لیگ کے سربراہ شیخ رشید ،ایم این اے جمشید دستی و دیگر سیاسی جماعتوں سمیت 16درخواست گزاروں نے انتخابی اصلاحات ایکٹ 2017 کیخلاف سپریم کورٹ سے رجوع کر رکھا ہے۔