غیررجسٹرڈ گاڑیوں کیلیے ایمنسٹی کی مدت 2 ہفتے بڑھانے کا مطالبہ

عوام کی بڑی تعداد ایمنسٹی اسکیم کی افادیت سے آگہی حاصل کرنے میں تاخیر کے سبب رجسٹریشن کے عمل سے دور ہے۔ فوٹو: فائل

---

تاجر برادری نے غیر رجسٹرڈ گاڑیوں کی ایمنسٹی اسکیم کی مدت میں 2 ہفتے اضافے کا مطالبہ کردیا ہے۔

ایف پی سی سی آئی کے نائب صدر انجینئر دارو خان کے مطابق کوئٹہ، چمن اور بلوچستان کے مختلف شہروں میں نان ڈیوٹی پیڈ گاڑیوں کی بڑی تعداد کی اب تک رجسٹریشن نہیں کی گئی عوام کی بڑی تعداد ایمنسٹی اسکیم کی افادیت سے آگہی حاصل کرنے میں تاخیر کے سبب رجسٹریشن کے عمل سے دور ہے۔



انہوں نے ایف بی آر اور متعلقہ حکام سے اپیل کی ہے کہ ایمنسٹی اسکیم کی مدت میں 2 ہفتے کی توسیع کی جائے تاکہ قومی خزانے میں زیادہ سے زیادہ ریونیو جمع کرایا جاسکے۔ انہوں نے کہا کہ اسکیم کی مدت میں اضافے سے ایمنسٹی اسکیم کو مزید نتیجہ خیز بنایا جاسکتا ہے۔