شوبز و کرکٹ ستاروں کا زینب کے قاتل کو سرعام پھانسی کا مطالبہ

زینب کے قاتل کے لیے پھانسی سے کم کوئی اور سزا نہیں ہونی چاہئے؛ فوٹوفائل

---

قصور کی ننھی زینب کے ساتھ زیادتی اور اس معصوم سی بچی کا لرزہ خیز قتل کرنے والا ملزم عمران بالآخر قانون کے شکنجے میں آگیا، ملزم کی گرفتاری کے ساتھ ہی شوبزو کرکٹ اسٹارز کی طرف سے قاتل کوعبرت کا نشان بنانے کے ساتھ اس کی سرعام پھانسی کا مطالبہ کیا جارہا ہے۔

پولیس اور تفتیشی اداروں کی سرتوڑ کوشش کے بعد زینب امین کو زیادتی کے بعد قتل کرنے والے ملزم عمران علی کو گرفتار کرلیا گیا ہے۔ زینب واقعے پر نا صرف عوام بلکہ شوبز و کرکٹ ستاروں کی جانب سے بھی شدید مذمت کی جارہی تھی اور اب قاتل کو سخت ترین سزا دینے کا مطالبہ کیا جارہا ہے۔

اس خبرکوبھی پڑھیں: معصوم زینب کے قتل پر شوبز و کرکٹ ستارے بھی اشک بار

اداکارہ اور ماڈل عائشہ عمر نے زینب کے قاتل کی گرفتاری پر انسٹاگرام پر ویڈیوپیغام کے ذریعے کہا کہ زینب کا قاتل دوہفتوں کی کوششوں کے بعد بالآخر پکڑا گیا، اس خبرکو سن کر بہت مسرت محسوس ہورہی ہے کہ وہ اب سڑکوں پر آزاد نہیں گھوم رہا، تاہم انہوں نے امید ظاہر کی کہ یہ گرفتار ہونے والا شخص صحیح انسان ہے کسی بے گناہ کو نہ پکڑا گیا ہو اور اگر یہ ثابت ہوجاتا ہے کہ گرفتار ہونے والا شخص ہی زینب کا قاتل ہے تو میری حکومت سے درخواست ہے کہ اس انسان کو سرعام دودن تک پھانسی پر لٹکایا جائے اور اسے دوسرے لوگوں کے لیے نشان عبرت بنایا جائے تاکہ لو گ اس کی لاش کو آتے جاتے دیکھیں کہ ایسے درندوں کے ساتھ کیا ہوسکتا ہے آخر میں انہوں نے کہا کہ وہ صرف زینب کے ساتھ نہیں بلکہ تمام بچوں کے ساتھ انصاف کے لیے کھڑی ہیں۔

[instagram-post url="https://www.instagram.com/p/BeTnEP2gDVn/"]

اس خبرکوبھی پڑھیں: زینب قتل پر صبا قمر پھوٹ پھوٹ کر رو پڑیں

ماڈل نادیہ حسین نے بھی زینب کے قاتل کی گرفتاری پر اپنے تاثرات بیان کرتے ہوئے مطالبہ کیا کہ اس قاتل کے لیے پھانسی سے کم کوئی اور سزا نہیں ہونی چاہئے۔

HANG THIS BLOODY BASTARD!!!!!!!!!! #justiceforallinnocentchildren #JusticeForZainab pic.twitter.com/x4leofBld8

— NADIA HUSSAIN (@NADIAHUSSAIN_NH) January 23, 2018

[instagram-post url="https://www.instagram.com/p/BeTON9EncN_/"]

اداکار فرحان سعید نے قاتل کی گرفتاری کی خبر پر مسرت کا اظہار کرتے ہوئے کہا کہ بالآخر قاتل پکڑا گیا، بس بہت ہوا، اب اسے سرعام پھانسی پر لٹکایا جائے اور عبرت کا نشان بنایاجائے۔

Great news! Zainabs murderer held, now should be hanged in public with in no time, this should be an example. Enough is enough! #JusticeForZainab

— Farhan Saeed (@farhan_saeed) January 23, 2018

اداکارہ ماریہ واسطی نے ویڈیو پیغام میں کہا کہ عمران کو اس کے گھناؤنے فعل کی اتنی سخت سزا دی جائے کہ وہ دوسروں کے لیے عبرت کا نشان بن جائےاور کسی میں ہمت نہ ہو اس طرح کا کوئی فعل کرنے کی اور یہ تب ہی ہوگا جب عدل و انصاف ہوتا ہوا نظر آئے گا۔

[instagram-post url="https://www.instagram.com/p/BeTKnMhjwwh/"]

گلوکارہ عینی خالد نے ٹوئٹ کیا اگر یہ ثابت ہوگیا کہ گرفتار ہونے والا شخص ہی زینب کا قاتل ہے تو اسے سخت ترین سزا دی جائے۔

If the rapist is proven guilty, we demand a capital punishment. #justiceforzainab #justiceforeverychild

— Annie Khalid (@annie_khalid) January 23, 2018

راولپنڈی ایکسپریس شعیب اختر نے زینب کے قاتل کی گرفتاری پر ٹوئٹ کرتے ہوئے کہا کہ انصاف اس درندے کے آگے شرمندہ ہے، اس کو انسانیت کی تذلیل کرنے پر سخت ترین سزا دینے کی ضرورت ہے تاکہ کوئی دوسرا یہ غیر انسانی فعل کرنے کے بارے میں سوچے بھی نہیں۔

Justice should be served and SHAME ON HIM! this culprit should be given the most strict punishment for ashaming humanity so that no one ever dares to even think about it. #JusticeForZainab #WeStandWithZainab

— Shoaib Akhtar (@shoaib100mph) January 23, 2018