ٹرانسپیرنسی اور ایف بی آر نادرا میں آج سمجھوتوں پر دستخط ہونگے

ٹرانسپیرنسی انٹرنیشنل پاکستان اور ایف بی آر میں ''معاہدہ دیانتداری'' پر عملدرآمد کیلیے مفاہمت کی یادداشت پر آج دستخط ہونگے۔

اس سمجھوتے کے تحت ٹرانسپیرنسی بلامعاوضہ چیئرمین ایف بی آر کو مختلف محکموں میں بے قاعدگیوں سے آگاہ کریگی، ٹینڈرز کے عمل میں قوانین پر عملدرآمد کو یقینی بنائے گی، ٹینڈر کے اجرا سے قبل ٹینڈر جانچنے کا شفاف طریقہ کار وضح کریگی۔




کسی بے قاعدگی کی صورت میں ایف بی آر کو آگاہ کریگی جبکہ ایف بی آر ٹرانسپیرنسی انٹرنیشنل پاکستان کے تحفظات کا فوری جائزہ لے گی۔ ٹرانسپیرنسی اور نادرا کے درمیان بھی معاہدہ دیانتداری پر عملدرآمد کیلئے آج ایم او یو پر دستخط کیے جائینگے۔