فلم ’’پدماوت‘‘ نے ریلیز ہوتے ہی بھارت میں آگ لگادی

پولیس نے پرتشدد مظاہرہ کرنے والے افراد میں سے دو کو حراست میں لے لیا ہے؛ فوٹوبھارتی میڈیا

---

ہدیات کار سنجے لیلا بھنسالی کی فلم''پدماوت''آج ریلیز کردی گئی تاہم فلم کی ریلیز کے موقعے پر بھارت میں ہنگامے پھوٹ پڑے جب کہ ہندو انتہا پسندوں کی جانب سے ملک بھر میں جلاؤ گھیراؤ کا سلسلہ جاری ہے۔

بھارتی سنسر بورڈ کی جانب سے ''پدماوت''کو 25 جنوری کو ریلیز کی اجازت ملنے کے باوجود پورے بھارت میں فلم کی اسکریننگ کے خلاف احتجاج اور مظاہرے جاری ہیں۔ بھارت کی چار بڑی ریاستوں راجستھان، مدھیہ پردیش، گجرات اور بہار میں فلم کی ریلیز پر پابندی عائد ہے۔

اس خبرکوبھی پڑھیں: شاہ رخ خان نے''پدماوت'' کیوں ٹھکرائی

Haryana: Protesters torched a bus & pelted stones at #Gurugram's Sohna Road in protest against #Padmaavat pic.twitter.com/YyoOjvH7Qc

— ANI (@ANI) January 24, 2018

گزشتہ شام گرگام میں مشتعل مظاہرین نے اسکول بس پر حملہ کرکے بس کو شدید نقصان پہنچایا تھا۔ اسکول بس کو آگ لگانے کی ویڈیو میں دیکھا جاسکتا ہے کہ ڈرے سہمے بچے سیٹوں کی نیچے چھپے ہوئے ہیں۔ بچوں کی جان کو خطرے کے پیش نظر گرگام اور نوئیڈا میں سات اسکولوں نے آج تعطیل کا اعلان کیا ہے۔ اس کے علاوہ بھارت کے متعدد شہروں میں بھی ''پدماوت''کے خلاف مظاہروں اور توڑ پھوڑ کی اطلاعات موصول ہورہی ہیں۔




بھوپال میں مشتعل مظاہرین نے احتجاج کے دوران گاڑی کو آگ لگادی، پولیس نے پرتشدد مظاہرہ کرنے والے افراد میں سے دو کو حراست میں لے لیا ہے۔

اس خبرکوبھی پڑھیں: پدماوت، بھارتی سپریم کورٹ کا نیا حکم

Protesters set fire to a car during a protest against #Padmavaat in Bhopal yesterday, Police say 2 people have been taken into custody. #MadhyaPradesh pic.twitter.com/d0Iek2fvbY

— ANI (@ANI) January 25, 2018

راجستھان اودے پور میں مشتعل مظاہرین نے احتجاج کرتے ہوئے دکانیں بند کرادیں جب کہ لوگ فلم کی ریلیز کے خلاف سڑکوں پر نکل آئے۔

Rajasthan: Shops vandalized in Udaipur during protest against #Padmaavat pic.twitter.com/tJfgusGh5b

— ANI (@ANI) January 25, 2018

بھارتی شہر احمد آباد میں کسی بھی ناخوشگوار صورتحال سے بچنے کے لیے پیرا ملٹری فورسز اور پولیس کو تعنیات کیا گیا ہے۔



جن ریاستوں میں ''پدماوت'' آج ریلیز کی جارہی ہے وہاں سینماؤں میں سیکیورٹی کے سخت انتظامات کیے گئے ہیں جب کہ آگرہ میں سینما ہال کے باہر پولیس اور سیکیورٹی اہلکار بھی تعنیات ہیں۔

Visuals of security personnel outside cinema halls in Agra. #Padmaavat pic.twitter.com/4Lr9geHcQN

— ANI UP/Uttarakhand (@ANINewsUP) January 25, 2018

بالی ووڈ ہدایتکار اور اداکار فرحان اختر نے اسکول بس پر حملہ کرنے کی شدید الفاظ میں مذمت کرتے ہوئے کہا ہے کہ معصوم بچوں کی اسکول بس پر حملہ کرنا کھلی دہشت گردی ہے، وہ تمام لوگ جنہوں نے یہ کام کیا ہے دہشتگرد ہیں۔

Attacking a school bus is not an agitation. It is terrorism. The people who did it are terrorists. Please refer to them as such.

— Farhan Akhtar (@FarOutAkhtar) January 25, 2018