زینب قتل کے ملزم عمران علی کا پرانا مجرمانہ ریکارڈ سامنے آگیا

عمران کے خلاف گزشتہ سال شادی شدہ خاتون کو اغوا کرنے کا مقدمہ درج کیا گیا

ویب ڈیسک January 27, 2018

پولیس کی جانب سے 30 اگست 2017 کو مقدمہ نمبر 364 درج کیا گیا تھا: فوٹو: فائل

کمسن بچیوں کو زیادتی کا نشانہ بنانے کے بعد قتل کرنے والے عمران علی کا پرانا کرائم ریکارڈ سامنے آگیا۔

ایکسپریس نیوزکے مطابق قصور میں کمسن بچیوں کو زیادتی کے بعد قتل کرنے والے عمران علی کا کرائم ریکارڈ سامنے آگیا، عمران علی کے خلاف راولپنڈی کے علاقے سید پور میں شادی شدہ خاتون کو اغواء کرنے کا مقدمہ درج ہے۔

اس خبرکوبھی پڑھیں: زینب کے قاتل عمران کا کوئی بینک اکاؤنٹ نہیں ملا، اسٹیٹ بینک

تھانہ بنی پولیس نے عمران کے خلاف 30 اگست 2017 کو مقدمہ نمبر 364 درج کیا تھا تاہم خاتون کے اہل خانہ کی جانب سے ملزم کو معاف کرنے کے بعد اسے 50 ہزار روپے ضمانت کے عوض رہا کردیا گیا تھا۔

واضح رہے کہ قصور کے رہائشی عمران علی کو کمسن زینب سمیت 10 بچیوں سے زیادتی اور قتل کے الزام میں گرفتار کیا گیا ہے۔ عمران علی نے گھناؤنے جرائم کا اعتراف کرلیا ہے اور اس کے ڈی این اے ٹیسٹ سے بھی تمام واقعات میں ملوث ہونے کی تصدیق ہوگئی ہے۔