امریکی وزیر خارجہ جان کیری نے پاکستان کا دورہ منسوخ کردیا

جان کیری نے اپنا دورہ پاکستان میں انتخابی سرگرمیوں اور جمہوری اقتدار کی پرامن منتقلی کے احترام کے باعث منسوخ کیا، امریکی حکام فوٹو: فائل

---

امریکی وزیر خارجہ جان کیری نے اپنا پاکستان کا دورہ منسوخ کردیا ہے۔

امریکی حکام کے مطابق جان کیری افغانستان کے بعد پاکستان کا بھی دورہ کرنا چاہتے تھے تاہم ان کا یہ دورہ پاکستان میں انتخابی سرگرمیوں اور جمہوری اقتدار کی پرامن منتقلی کے احترام کے باعث منسوخ کیا گیا کیونکہ وہ نہیں چاہتے کہ ان کے دورے کو انتخابی سرگرمیوں پر اثر انداز ہونے کی کوشش سمجھا جائے۔

واضح رہے کہ جان کیری نے گزشتہ روز اردن میں آرمی چیف جنرل اشفاق پرویز کیانی سے بھی ملاقات کی تھی جس میں افغانستان میں مفاہمتی عمل اور دیگر اہم امور پر تبادلہ خیال کیا گیا تھا۔