مردان میں تیسری جماعت کی بچی سے زیادتی

مردان میں عاصمہ کے بعد ایک اور بچی کو زیادتی کا نشانہ بنایا گیا ہے جو کہ تیسری جماعت کی طالبہ ہے، فوٹو: فائل

---

خیبر پختون خوا کے علاقے مردان میں عاصمہ کے بعد ایک اور بچی کو زیادتی کا نشانہ بنایا گیا ہے۔

ایکسپریس نیوز کے مطابق خیبر پختون خوا کے علاقے میں عاصمہ نامی بچی کو زیادتی و قتل کے بعد تیسری جماعت کی بچی سے زیادتی کا واقعہ پیش آیا ہے جسے میڈیکل کے لیے اسپتال منتقل کردیا گیا۔

پولیس کے مطابق مردان کے نواحی علاقے خرکی میں ایک بچی سے مبینہ طور پر زیادتی کی گئی، اہل خانہ کی نشاندہی پر ایک ملزم کو گرفتار کرلیا ہے۔ پولیس نے مزید بتایا کہ بچی اسکول سے گھر آرہی تھی کہ گنے کے کھیت میں اس کے ساتھ زیادتی کی گئی، بچی کو میڈیکل کے لیے اسپتال منتقل کردیا گیا ہے۔