گریمی ایوارڈ میں گلوکار برونو مارس نے 6 انعامات جیتے لیے

برونو مارس کی البم ’’ 24 کے میجک‘نے سال بھر کے دوران دھوم مچائے رکھی۔ فوٹو: سوشل میڈیا

---

امریکی گلوکار برونو مارس کی البم'' 24 کے میجک'' نے گریمی ایوارڈز میں کلین سویپ کرتے ہوئے البم، ریکارڈ اور سانگ آف دی ایئر سمیت 6 انعام اپنے نام کر لیے۔

امریکی شہر نیویارک کے میڈی اسکوائر میں منعقدہ 60 ویں سالانہ گریمی ایوارڈز تقریب میں بتیس سالہ امریکی گلوکار برونو مارس کی تیسری البم '' 24 کے میجک'' کے ٹائیٹل گانے ''دیٹس وٹ آئی لائیک''کی کامیابی کی وجہ سے البم آف دی ایئر اور ریکارڈ آف دا ایئر کا انعام بھی اسی البم کے حصے میں آیا جبکہ سال کے بہترین گانے کا ایوارڈ بھی اسی سنگر کو ملا۔

30 سالہ کنڈرک لامر نے اپنے البم ''ڈیم ''اور سنگل ''ہمبل''سمیت ریپ میوزک کی کیٹاگری کے پانچ گریمی ایوارڈز اپنے نام کیے جب کہ گریمی ایوارڈ 2018 کی تقریب میں بیسٹ نیو آرٹسٹ کا ایوارڈ ایلسیا کارا کو ملا۔

تقریب کا آغاز لامر کی پرفارمنس سے ہوا، برطانوی گلوکار اور گیت نگار ایڈ شیرن نے دو گریمی ایوارڈز اپنے نام کیے انھیں اپنے البم''ڈیوائڈ''اور گانے ''دی شیپ آف یو''پر دو بیسٹ سیلنگ ایوارڈز دیے گئے۔