یو اے ای کی حکومت نے پیسر محمد آصف کو 2 ماہ کا ویزہ جاری کر دیا۔

کرکٹر عجمان میں ہونے والے ایونٹ میں شرکت کریں گے۔ واضح رہے کہ جون 2008 میں آئی پی ایل کھیل کر وطن واپس آتے ہوئے محمد آصف سے دبئی ایئرپورٹ پر نشہ آور ممنوعہ دوا ملی تھی جس پر انھیں حراست میں لیا گیا بعد ازاں ڈی پورٹ کرتے ہوئے یو اے ای میں داخلے پر تاحیات پابندی عائد کر دی گئی تھی، پی سی بی کی جانب سے اپیل کے باعث حکومت نے یہ پابندی اپریل 2011 میں اٹھا لی تھی۔

اسپاٹ فکسنگ اسکینڈل 2010میں سزا پانے والے محمد آصف کی 5سالہ پابندی ختم ہوچکی ہے، وہ ڈومیسٹک کرکٹ بھی کھیل رہے ہیں لیکن قومی ٹیم میں واپسی کا خواب پورا نہیں کرسکے۔