سجل علی کا زخموں سے بھرپور چہرہ پہچاننا مشکل

اداکارہ سجل علی نے گزشتہ برس فلم’’موم‘‘کے ذریعے بالی ووڈ ڈیبیو کیاتھا؛ فوٹوفائل

---

نامور پاکستانی اداکارہ سجل علی کی چند تصاویر سوشل میڈیا پر وائرل ہورہی ہیں ان تصاویر میں سجل علی کا چہرہ اس حد تک زخموں سے بھرپور ہے کہ پہچاننا مشکل ہورہا ہے۔

معصوم اور دلکش چہرے والی خوبرو اداکارہ سجل علی کا شمار پاکستان کی مقبول ترین اداکاراؤں میں ہوتاہے تاہم سجل کی کامیابی میں ان کی اداکاری سے زیادہ خوبصورت چہرے کاکمال ہے۔ من موہنی صورت والی اداکارہ سجل علی نےپہلے تو پاکستانی ڈراما انڈسٹری پر قبضہ جمایا بعد ازاں فلموں میں بھی قسمت آزمائی کی اور اپنی ہم عصر اداکاراؤں کو پیچھے چھوڑتے ہوئے بالی ووڈ تک پہنچ گئیں۔

اس خبرکوبھی پڑھیں: ایک بار پھر ماں مل گئی

خوبصورت چہرے اور دلکش نقوش کی مالک اداکارہ سجل علی کی تصاویر سوشل میڈیا پر وائرل ہورہی ہیں جن میں ان کا چہرہ مکمل طور پر زخموں سے بھرپور ہے یہاں تک کہ ان کا چہرہ پہچانا بھی نہیں جارہا۔ چہرے پر جابجا زخموں کے نشانات نظر آرہے ہیں اور ایک آنکھ مکمل طور پر سوجی ہوئی ہے۔ سجل کے مداح ان کی یہ حالت دیکھ کرپریشانی کا شکار ہوگئے ہیں۔

[instagram-post url="https://www.instagram.com/p/BejD78YA0bv/"]

اس خبرکوبھی پڑھیں: سجل علی دپیکا اورکترینہ کیلئے خطرہ

تاہم گھبرانے کی بات نہیں سجل کے چہرے پر زخموں کے نشانات حقیقی نہیں بلکہ یہ فلم کے لیے کیا گیا میک اپ ہے۔ اداکارہ سجل علی نے گزشتہ برس فلم''موم''کے ذریعے بالی ووڈ ڈیبیو کیاتھا،اس فلم میں انہوں نے ایک ایسی کم عمر لڑکی کا کردار نبھایا تھا جس کے ساتھ زیادتی کے بعد اس پر بدترین تشدد کیا جاتا ہے اسی کردار کو کرنے کے لیے سجل علی کے چہرے پر یہ میک اپ کیا گیا تھا، جسے دیکھ کر میک اپ آرٹسٹ کی مہارت صاف ظاہر ہوتی ہے۔

[instagram-post url="https://www.instagram.com/p/BWiBSWBF1Db/"]

یہ فلم تو گزشتہ برس ریلیز ہوئی تھی تاہم انسٹا گرام پر سجل علی کی تصاویر ایک بار پھر وائرل ہورہی ہیں۔